Brigjen Slamet Riyadi

SLAMET RIYADI

S

lamet Riyadi, putrane  Bapak Idris Prawira Praleda, abdi dalem Kraton Surakarta, lair 26 Juli 1927. Jalaran meh saben dina nyumurupi gladhen keprajuritan, mula Slamet Riyadi kepengin dadi prajurit kang pinunjul. Mula Slamet Riyadi dening ramane disekolahake ing sekolah Pelayaran Tinggi babagan kemiliteran. Wekasane Slamet Riyadi watake prigel lan kendel babagan kemiliteran.

            Tumrap bangsa Indonesia, Slamet Riyadi anggone labuh marang bangsa Indonesia wiwit jaman Jepang. Nalika markas Ken Pei Jepang uga melu mandhegani nggabung tentara Tentara Nasional Indonesia (TNI).

            Sawise resmi mlebu dadi prajurit TNI, Slamet Riyadi saya mumpuni kekendelane lan keprigelane. Mula ora suwi Slamet Riyadi kaangkat dadi komandan batalyon, kanti pangkat letnan kolonel

. Awit saka prigel kakendelane, mula Slamet Riyadi pinercaya mimpin mbrastha kekisruhan werna-werna.

            Wulan Juni 1947 diarani kles I aiku wadya bala Walanda ngebroki Ambarawa, Srondhol, Mranggen, lan Semarang. Nalika iku Slamet Riyadi kang mandhegani mungsuh tentara Walanda. Wusanane wadya bala Walanda padha miris lan mlayu padha ndelik ana  ing sajroning beteng. Sabanjure Slamet Riyadi uga kajibah maneh supaya mbrastha rerusuh ing sakiwa tengene Gunung Merapi-Merbabu, gerakan APRA, Westerling ing tlatah Jawa Barat, lan Pemberontakan PKI Madiun.

            Tanggal 19 Desmber 1948 wadya bala Walanda ngebroki kutha Yogyakarta kang diarani kles II. Slamet Riyadi uga kajibah maneh ngusir wadya bala Walanda kang ngebroki kutha gudheg iku. Taun 1948 Slamet Riyadi ketiban sampur maneh supaya numpes gerombolan Dr. Soumokil  sawadya balane. Gerombolan iku gawe ada-ada ngadekake Negara Republik Maluku Selatan (RMS) nyempal saka panguwasane Negara Republik Indonesia. Ing wektu semono, Dr. Soumokil wis nduweni senjata sing modern, awit kabiyantu dening Walanda. Nanging, wis tekan titi wacine tanggal 4 November 1950 Slamet Riyadi gugur amarga kenang mimising musuh.

            Gandheng gedhe banget labuh labete marang Negara lan bangsa, mula pemerintah menehi tandha jasa arupa “Bintang Sekti”, “Satya Lencana Bakti”, lan uga Slamet Riyadi kawisuda dadi Palawan peran kamardikan kanthi menehi pakurmatan pangkat anyar dadi Brigandir Jendral Anumerta. Slamet Riyadi kalebu pejuan lan pahlawan nasional.